हैद्राबाद भारताच्या क्षेपणास्त्र कार्यक्रमाच एक प्रमुख शहर अस म्हंटल्यास वावग ठरणार नाही. आता तिथे तयार होते आहे इस्राइल निर्मित जगातील सर्वोत्तम एन्टी ट्यांक गायडेड मिसाईल स्पाईक एम.आर. साठी. भारताची कल्याणी सिस्टीम आणि इस्राइल ची राफेल एड्व्हांस डिफेन्स सिस्टीम एकत्र येऊन त्यांनी कल्याणी राफेल एड्व्हांस सिस्टीम ह्या नावाने एक उपकंपनी सुरु केली आहे. एकदा भारत सरकारने परवानगी दिल्यावर हैद्राबाद येथून प्रत्येक महिन्याला २०० स्पाईक एम.आर. भारतीय सेनेच्या ताफ्यात समाविष्ट होणार आहेत.
स्पाईक एम.आर. हे पोर्टेबल म्हणजेच वाहून नेता येणार मल्टीपर्पज इलेक्ट्रोओप्टीकल मिसाईल वेपन सिस्टीम असून ह्याच्या लोंचर च वजन १२ किलोग्राम असून पूर्ण वजन १४ किलोग्राम च्या आसपास आहे. ह्यातली गायडंस सिस्टीम हि ड्युअल ओप्टीकल सिकर असून हे मिसाईल डागा आणि विसरून जा ह्या तत्वावर आधारित आहे. हे २०० मीटर पासून ते २५०० मीटर पर्यंत ह्याची रेंज असून अगदी कोणालाही सहजपणे लक्ष्यावर डागता येईल असे हे मिसाईल आहे.
अमेरीकेच जावेलीन आणि इस्राइल च स्पाईक अशी दोन मिसाईल चे ऑप्शन भारतापुढे होते. परंतु इस्राइल ने मेक इन इंडिया च्या तत्वाला अनुसरून स्पाईक चा संपूर्ण तंत्रज्ञान भारताला दिलच पण त्याही पलीकडे भारतात हे मिसाईल बनवण्याची तयारी दाखवली. इस्राइल ने रेड कार्पेट दिल्यावर जगातील सर्वात अत्याधुनिक मिसाईल आता काही दिवसात भारतात बनेल अशी चिन्ह आहेत. भारताकडे अश्या प्रकारच मिसाईल आत्तापर्यंत नव्हत. स्पाईक एम आर हे मिसाईल भारताव्यतिरिक्त २० देशात वापरल जाते. म्हणजेच भारत ह्या पुढे हे मिसाईल मेड इन इंडिया सकट ह्या २० देशांना विकू शकणार आहे. तसेच ह्यात आपले काही शत्रू असतील तर त्यांना विकायच नाही ह्याचा निर्णय भारत सरकारला घेता यणार आहे.
स्पाईक मध्ये वेगवेगळे प्रकार असून स्पाईक एम आर हे भारतासाठी योग्य असल्याच भारतीय सेनेने सांगितल्यावर त्याच्या चाचण्या घेण्यात आल्या. गेल्या एक वर्षापासून भारतीय सेनेने ह्या मिसाईल च्या चाचण्या दिवसा, रात्री, वाळवंटात, घेऊन त्याच्या उपयुक्ततेवर आपली मोहोर उमटवली आहे. भारत सरकारने परवानगी देतात अवघ्या काही आठवड्यात हे मिसाईल शत्रूचे रणगाडे उद्वस्थ करायला भारतीय सेनेच्या ताफ्यात येऊ शकते. स्पाईक एम आर म्हणजे मिडीयम रेंज तर एल आर म्हणजे लोंग रेंज तर एस आर म्हणजे शोर्ट रेंज तसेच इ आर असून ती एक्स्टेंडेड लोंग रेंज आहे.
जगातील सर्वोत्तम एन्टी ट्यांक मिसाईल भारतात बनणे हि मेक इन इंडिया ला दिलेली एक पोचपावती आहे. तर भारत इस्राइल ह्या दोन्ही देशातील संबंध किती घट्ट आहेत ह्याच उदाहरण आहे. इकडे एक लक्षात घेतल पाहिजे कि इस्राइल आपली शस्त्र जी कि तंत्रद्नाच्या बाबतीत जगात वरचढ आणि सर्वश्रेष्ठ आहेत पाकिस्तान सारख्या देशाला विकत तर नाही पण त्याचवेळी त्याची टेक्नोलॉजी फक्त भारता सारख्या घनिष्ठ मित्राला शेअर करते. ह्या मिसाईल च्या येण्याने पाकिस्तानी रणगाड्या समोर दिवसा ढवळा तारे चमकले तर नवल वाटणार नाही. भारत जवळपास ८००० हून अधिक स्पाईक मिसाईल खरेदी करत असून ३२१ लोंचर तर १५ ट्रेनिंग सिम्युलेटर चा त्यात समावेश आहे. हा सौदा १ बिलियन डॉलर च्या घरात असून त्यात मेक इन इंडिया मुळे खूप मोठी बचत होणार आहे.
No comments:
Post a Comment