द सेशन्स... विनीत वर्तक

सामान्य माणसांच्या गरजांबद्दल आपण नेहमीच बोलतो. त्याच्या बद्दल आपण नेहमीच जागरूक असतो. कधीतरी त्या पूर्ण नाही झाल्या तर आपण प्रचंड विचलित होतो. त्याचा कुठेतरी राग आपण कोणावर तरी काढतो. पण आपल असणंच जर दुसऱ्यांवर ओझ असेल तेव्हा? आपल्या गरजांच काय? आपल्याला वाटणाऱ्या, येणाऱ्या भावना मग त्या शारीरिक का असोनात व्यक्त करण्याची आपली शारीरिक क्षमता नसेल तर? दोन हात, दोन पाय असताना आणि एक चालत बोलत शरीर असण किती भाग्याच असू शकते ह्याचा विचार पण आपण करत नाही. सेक्स किंवा हस्तमैथुन सारखी क्रिया ज्या सहजतेने आपण करतो. त्या करताना आपण कधीच आपल्याला मिळालेल्या देवी देणगीचा विचार करत नाहीत. त्याच देणगीवर एका वेगळ्या अंगाने प्रकाश टाकणारा चित्रपट म्हणजे द सेशन्स.

पोलिओ मुळे अर्धमेल शरीर घेऊन आयर्न लंग मध्ये आयुष्य मोजणाऱ्या मार्क ओ ब्रायन ची हि कथा आहे. पोलिओ च्या आजारामुळे हाता- पायांच्या हालचालीवर नियंत्रण काय तर आपल्या श्वासावर नियंत्रण नसलेला मार्क अतिशय खडतर आयुष्य जगत असतो. सर्वसामान्य माणसाच्या आयुष्यात वाटणाऱ्या भावना आणि शारीरिक उत्तेजना तो अनुभवत असतो. पण आजारामुळे त्याच्या हालचालीवर असलेल नियंत्रण त्याला ह्या सगळ्या सुखापासून वंचित ठेवते. अश्यावेळी वर्जिन म्हणजेच शारीरिक सुख न अनुभवलेला मार्क त्या सुखासाठी काय करता येईल ह्याच्या विचारात असतो. हस्तमैथुन सुद्धा न करता येणारा मार्क अंघोळ करताना होणाऱ्या स्पर्शाने उत्तेजित होऊन जेव्हा त्याच स्लखन होते. तेव्हा त्या सगळ्या प्रकाराने तो खूप खजील होतो. आपल्याला तो अनुभव हवा आहे अस तो चर्च मध्ये फादर ला सांगतो. सेक्स सेरोगसी हा प्रकार आपल्याकडे अजूनही तसा दुर्लिक्षित आणि समाजमान्य न झालेला प्रकार आहे. सेक्स सेरोगसी म्हणजे सेक्स आणि शरीरसुखाची अनुभूती देण्यासाठी काही लोक काम करतात. ह्यात शारीरिक अपंगत्वामुळे शरीर सुखापासून वंचित असलेल्या लोकांना ह्याचा आनंद देण्याचा प्रयत्न केला जातो. सेरोगसी मुल जन्माला घालण्यासारखा हा प्रकार आहे. मार्क सेक्स सेरोगासी चा आधार घेऊन त्या पूर्णत्वाच्या सिमेला जेव्हा स्पर्श करतो का? त्या नंतर काय होते? मार्क आणि शेरील मध्ये काय नात असते आणि होते? हे सगळ बघण म्हणजे द सेशन्स.

द सेशन्स ह्या चित्रपटाने अनेक आंतराष्ट्रीय पुरस्कारात नामांकन आणि पुरस्कार मिळवले तर चित्रपटात प्रमुख भूमिका असणाऱ्या हेलन हंट ला तब्बल १८ नामांकन, पुरस्कार आणि जॉन हॉकर ला १३ नामांकन आणि पुरस्कार ह्या चित्रपटासाठी वेगवेगळ्या आंतरराष्ट्रीय पुरस्कार सोहळ्यात मिळाले आहेत. द सेशन्स बघितल्यावर ह्या चित्रपटाने मनात घर केल. हातापायाची हाल-चाली वर आपला कंट्रोल नसताना सेक्स सारख्या भावना अनुभवताना जस चित्रपटात दाखवल आहे त्याने मला निशब्द केल. हेलन हंट ने ह्या चित्रपटात पूर्ण न्युड सिन्स दिले आहेत. पण तिला बघताना कुठेही अश्लिलता मनाला शिवत पण नाही इतके ते सुंदर आहेत. सेक्स काय असतो ते अनुभवायचं असेल तर द सेशन्स एकदा बघयला हवाच. स्पर्श करताना पण त्याची नजाकत, त्या भावना आणि ते शारीरिक सुख ह्याचा सुंदर मिलाफ चित्रपटात झाला आहे. शारीरिक संभोगाचे जे सिन्स आहेत त्यात हेलन हंट ने कमाल केली आहे. चेहऱ्यावर एक अंश सुद्धा कृत्रिमतेचा जाणवू न देता नैसर्गिक अस वातावरण क्यामेरा समोर तो उभ करण तीच जाणो. हेलन हंट ने जेव्हा हा चित्रपट केला तेव्हा ती ४९ वर्षाची होती. तीच ते शरीर जे ह्या वयात हि तिने अगदी मेंटेन ठेवल आहे. सडपातळ बांधा एखाद्या कॉलेज सुंदरीला लाजवेल अस सुंदर शरीर दाखवताना त्यात कुठेही अश्लीलतेचा भाव न येऊ देता सेक्स सेरोगसी सारख्या सुंदर विषयावर भाष्य करणारा चित्रपट करण म्हणजे चाबूक. जॉन हॉकर चा पोलियो झालेला अभिनय हा पण बघण्यासारखा.

अपंग, प्याराप्लाजिक, पोलिओ सारख्या शरीराच्या हालचालींवर बंधन असलेल्या लोकांचे सेक्स चे प्रश्न मांडणारा हा चित्रपट आत मुरतो. हेलन हंट च एक सुंदर वाक्य त्यात आहे. ज्यात ती मार्क ला सांगते कि मी वैश्या नाही. माझ्यात आणि वैश्यामध्ये एक फरक आहे. ती गिऱ्हाईक शोधते तर मी तुम्ही अनुभवू न शकलेल्या अनुभूतीची तुम्हाला जाणीव करून देते. हे ऐकल्यावर चित्रपट प्रचंड वेगळीच उंची गाठतो. सेक्स पलीकडे चित्रपटात बघण्यासारख आणि समजून घेण्यासारखं खूप काही आहे. लिंगाच्या योनी प्रवेशाने जरी सेक्स परिपूर्ण होत असला तरी स्पर्श, भावना, त्याची जाण आणि समोरच्या विषयी वाटणारी आत्मीयता त्यात बाजार आणि अनुभती असा फरक घडवू शकतात. दोन हात, दोन पाय, चालता बोलता येणार शरीर हि देवाने दिलेली देणगी आहे. हि देणगी आपल्याला जाणवत नाही पण द सेशन्स सारखे चित्रपट आपल्याला त्याची जाणीव करून देतात. पोर्न बघून वेगवेगळी आसन करण्यापेक्षा तितकाच वेळ स्पर्श, आणि समोरच्या माणसाच्या भावना समजून घेण्यात घालवला तर शरीरसुखाची प्रत्येक अनुभूती द सेशन्स सारखी असेल.