काही हजार वर्षापासून माणसाच्या किंबहुना भारताच्या कुटुंब व्यवस्थेचा आणि वंशवृद्धीचा कणा असलेला सेक्स हळूहळू बदलतो आहे. गेल्या काही काळात तर अतिशय झपाट्याने. माणसाची चौथी मुलभूत गरज म्हणून ज्याच्याकडे आजही बघितल जात नाही. ज्याच्याविषयी बोलण पण आजही भारतीय समाजात पाप समजल जाते. ज्याचा विचार करणपण वाईटपणाच लेबल समाजात लावून घेण अस असताना पण त्याच समाजात सगळ्यात जास्ती गैरसमज ह्याच सेक्स मुळे होत असतात.
इतके वर्ष लपून छपून चुकीच्या पद्धतीने सेक्स भारतीय समाजात एका पिढीकडून दुसऱ्या पिढीकडे जात होता. अगदी मासिक पाळी पासून ते मधुचंद्राच्या रात्री पर्यंत कधीच कुटुंबामध्ये मोकळ बोलण होत नाही. ज्या कुटुंब पद्धती मध्ये सगळे निर्णय हे घर, घरातील व्यक्ती, घराच्या भोवती गुंतले असताना आपल्या चौथ्या मुलभूत गरजेविषयी ज्ञानाचा स्त्रोत म्हणून भारतीय कुटुंब व्यवस्थेत ह्या गोष्टी शिकण्यासाठी बाहेरच जग हेच माध्यम राहील. बाहेरच जग म्हणजे मित्र, मैत्रिणी, दूरचित्रवाणी आणि आता इंटरनेट. २१ व्या शतकात प्रवेश केल्यावर माहितीचा स्त्रोत अगदी कोणत्याही बंधनाशिवाय कोणत्याही वयात समोर मिळाल्यावर ह्या ४ थ्या मुलभूत गरजेविषयी माहितीचा खजिना हाती लागला.
समुद्र मंथनात जस अमृत निघाल तस विष हि निघालच. त्यामुळे इंटरनेट त्याला कसा अपवाद असेल. चागल्या गोष्टींसोबत वाईट किंवा चुकीच्या पद्धतीने गोष्टी समोर आणण्यात हि इंटरनेट कुठेच मागे नव्हत. जगात सगळीकडे पोर्न इंडस्ट्री होतीच. माहितीच्या युगात त्याच महत्व अचानक वाढल ते हातात आलेल्या मोबाईल आणि क्यामेरा मुळे. ज्या समाजाचा मुलभूत माहितीचा स्त्रोत हे बाहेरच जग होत. त्यासाठी तर हा खजिना होता. हा खजिना बघून भारतीय हुरळून गेले नसतील तर नवलच. न बघितलेल्या, न ऐकलेल्या गोष्टी हाय डेफिनेशन स्वरूपात अगदी सहज मोबाईल आणि कॉम्प्युटर मध्ये उपलब्ध होत गेल्यावर कोणाचाही पाय घसरेलच.
पोर्न ने हळूहळू का होईना आपले हातपाय इतके पसरले कि त्याची सवय लागून गेली. ते चांगल का वाईट हा वेगळा मुद्दा पण त्याने एकूण आपल्या विचारसरणीत जे बदल झाले आहेत. ते नक्कीच कुठेतरी पूर्ण व्यवस्था उध्वस्थ करणारे आहेत. सेक्स मधील सेक्स हा फक्त आणि फक्त जनेनद्रीयांशी निगडीत आहे हा जो काही समज रूढ होतो आहे त्यामुळे एकूणच सेक्स ची परिभाषा बदलली आहे. नजर, स्पर्श, भावना, आवेग ह्या शब्दांना बगल देत फक्त नर आणि मादी स्वरूपात जननेंद्रिय दाखवत पोर्न मधून समोर येणारा सेक्स आपल्या विचारांवर पकड बनवतो आहे. मादी कडे बघताना नराची नजर फक्त आणि फक्त तिचा उपभोग आणि तो हि जनेनद्रीयांशी निगडीत. पोर्न मध्ये बाकीच्या गोष्टीना थारा न देता जशी कृत्रिम पद्धतीने निर्माण केलेल्या मादीच्या सुखाची चटक आपल्या खऱ्या आयुष्यात असलेल्या मादी कडून मिळवताना तिच्या भावनांची, तिच्या अपेक्षांची पायमल्ली करताना तिला होणाऱ्या त्रासाची थोडीशी जाणीव पण नराला होत नाही आहे. पोर्न च्या वाळवीने अस काही गारुड केल आहे कि त्यात समोर फक्त मादी दिसते आणि भोगी प्रवृत्ती.
मादी कडून हि अश्याच अपेक्षा व्यक्त केल्या जात आहेत. जितक मोठ जननेंद्रिय तितका तो नर आपल्याला समाधान देऊ शकतो हा खोटा समज पसरवण्यात पोर्न इंडस्ट्री कमालीची यशस्वी ठरली आहे. म्हणून बॉडी बघून भाळणाऱ्या मादिंची संख्या झपाट्याने वाढते आहे. त्यामुळे नर किंवा मादी कोणा एकाचा दोष नाही आहे. पोर्न च्या वाळवीने सेक्स ला कधीच पोखरून टाकल आहे. आता गरज आहे ती हि वाळवी कंट्रोल करण्याची. पोर्न चांगल का वाईट वेगळा मुद्दा होईल कारण सरसकट सगळच चांगल आणि सगळच वाईट काही नसते. पण प्रत्येक गोष्टितल काय घ्यायचं आणि काय सोडायचं हा निर्णय सर्वस्वी आपला असतो.
गरज आहे ती आपल्या कुटुंब व्यवस्थेतून पुढल्या पिढीला ह्या ४ थ्या मुलभूत गरजेची माहिती सांगण्याची. कुटुंबातून हि माहिती मिळाली तर बाहेरच्या माहितीवर अवलंबून राहण्याची गरज नाही. बाहेरची माहिती आली तरी ती फिल्टर करण्याचा चष्मा किंवा त्यात बदल करून आपल्याला लागेल तेवढ घेण्याची प्रगल्भता आपण त्यांच्यात नक्कीच निर्माण करू शकू. पोर्न ची वाळवी सेक्स ला पोखरण्या आगोदर सेक्स ची प्रगल्भता जर आपण निर्माण केली तर वाळवी ला थांबवण्यापेक्षा सेक्स ची आत्मीयता त्याला स्वतःपासून दूर ठेवेल. आपल्या कडे काय आहे कि आपण रोगावर औषध शोधतो. एखाद्या वेळेस औषध लागू पण पडते. पण रोग त्यावर वर पण हळू हळू मात करतो. म्हणून रोगावर औषध शोधण्यापेक्षा रोगालाच मुळापासून उखडून टाकलेलं कधीही चांगल. वाळवी सारखा रोग कंट्रोल होत नाही. तो आपले हातपाय इकडून ना तिकडून पसरतो. आपल्या लाकडाला मजबूत करण हेच आपल लक्ष्य असायला हव. अजून वेळ गेलेली नाही. पोर्न चा भस्मासुर आपल्या मोबाईल मध्ये केव्हाच पोचला आहे. मेंदूवर हि दस्तक देतो आहे. हीच वेळ आहे प्रगल्भ बनण्याची आणि सेक्स समजून घेण्याची.
No comments:
Post a Comment