झिंगाट... विनीत वर्तक

बरोबर एक वर्षापूर्वी हा शब्द नेट किंवा विडीओ रुपात यु ट्यूब वर अवतरला आणि बघता बघता ह्या शब्दांनी इतक गारुड केल कि त्याची नशा आज एक वर्षांनी पण उतरलेली नाही. १४ एप्रिल २०१६ ला झिंगाट ह्या सैराट चित्रपटातील गाण्याचा ऑफिशियल विडीओ यु ट्यूब वर रिलीज झाला. अजय- अतुल च संगीत आणि आवाज असलेल हे गाण अल्पावधीत लोकप्रिय तर झालच पण ह्या गाण्याने अगदी अबाल वृद्धांपासून सगळ्यांनाच पुन्हा एकदा ठेका धरायला लावल.

आत्तापर्यंत झिंगाट चा विडीओ तब्बल ४ कोटी पेक्षा अधिक लोकांनी बघितला आहे. मराठी संगीत हे नेहमीच दर्जेदार गीतांसाठी पहिल्यापासून प्रसिद्ध राहील आहे. पण काही गीतांची मोहिनी अशी असते कि ती भाषेपुढे असतात. म्हणजे त्यातले शब्द कळले नाही तरी ते गाण आपल्या पर्यंत पोहचते किंवा त्याच संगीत मंत्रमुग्ध करते. झिंगाट हे ह्याच पठडीतील गाण ठरल. भाषा, जात, धर्म, देश ह्या पलीकडे जाऊन झिंगाट ने लोकांना ठेका धरायला लावला ह्यात शंका नाही. यु ट्यूब च्या ह्या विडीओ वरील अनेक कमेंट वाचल्या तर अस लक्षात येत कि कितीतरी अमराठी लोकांना हे गाण काय आहे? किंवा काय चालू आहे समजत नसताना आवडलेलं आहे किंबहुना गाण ऐकून त्यांनी ठेका धरलेला आहे. मला नाही आठवत कि मराठी चित्रपटातील अजून कोणत गाण इतक प्रसिद्ध झाल असेल.

गाण अनेक विभागात विखुरलेलं असते. काहींच संगीत, काहींचे शब्द, तर काही गाण्यांचा अर्थ त्याला एक वेगळीच उंची देतात. पण ह्यात अजून एक वेगळा विभाग आहे तो म्हणजे ठेका धरायला लावणारी गाणी. मग ती उडत्या चालीची असोत वा त्याचं संगीत जशी कोळी गीत. लग्नात, मुंजीत, वाढदिवसाला किंवा कोणत्याही आनंदाच्या क्षणी नाचायला ठेका धरण्यासाठी अशी गाणीच लागतात. मला वाटते झिंगाट चा नंबर त्यात खूप वरचा आहे. “माउली-माउली” सारख सुंदर गाण देणाऱ्या अजय- अतुल कडून अजून काही तरी असच अपेक्षित होत. माउली ह्या गाण्याने एक गोष्ट नक्कीच सिद्ध केली होती कि देवाच्या गाण्यात हि ठेका किंवा आवेश आणण्याची ह्या दोघांची हतोटी नक्कीच त्यांना एक वेगळ संगीत जोडी बनवत होती. नंतर आलेल्या झिंगाट ने जी उंची गाठली त्याला शब्द नाहीत. म्हणजे मी तरी माझ्या उभ्या आयुष्यात लोकांना चित्रपटाच्या स्क्रीन समोर नाचताना बघितल नव्हत. चित्रपटगृहाच्या बाहेर एखाद गाण लोकाग्रहास्तव दोन वेळा दाखवलं जाईल अशी जाहिरात तिकीटबारीवर करून तिकीट विक्री झालेली बघितलेली नाही आणि तीही हाऊसफुल चे बोर्ड लावून.

सैराट च्या यशात सिंहाचा वाटा हा नक्कीच अजय- अतुल च्या संगीताचा होता. त्यातही सगळ्यात मोठ श्रेय होत ते झिंगाट च. हे गाण आल आणि चित्रपटाचा नूरच पालटून गेला. मला अजूनही आठवते कि सई आणि अर्णव दोघे हे गाण लागल कि अगदी बेभान होऊन नाचायला सुरवात करत. मराठी शब्द कळतील किंवा संगीत काय असते? ह्याची परिपक्वता नसताना अस बेधुंद होऊन नाचण्यासाठी त्या गाण्यात तशी ताकद असावी लागते. मला वाटते झिंगाट च ते यश होत. पंजाबी, दक्षिणी अश्या सगळ्याच गाण्यांनी भारतीयांच्या मनात राज्य केल होत स्पेशली उडत्या गाण्यांच्या बाबतीत. पहिल्यांदा कुठेतरी एक मराठी गाण ह्या सर्वाना पुरून उरल. सगळ्यात मोठा किस्सा तर माझ्या एका इजिप्शियन मित्राच्या बाबतीतला आहे. त्यान चक्क हे गाण मी ऐकत असताना माझ्याकडून मागून घेतल. त्याच्या मते हे गाण काहीतरी स्पेशल होत. त्याला ऐकून ह्यावर डान्स करावासा वाटला.

उद्या ह्या झिंगाट च्या ह्या यशाला एक वर्ष होईल. अनेक गाणी आपल्या आयुष्यभरात आपल्याला आवडतात पण काहीच अशी असतात कि ती आपल्याला बसल्या जागेवरून उठून ठेका धरायला लावतात. अनेक वेळा ऐकली तरी तो आवेश तसाच प्रत्येक वेळी जाणवून देतात. मला वाटते झिंगाट हे त्यातल एक आहे. एक अतिशय वेगळ अशी रचना दिल्याबद्दल अजय-अतुल ह्यांचे आभार तर आहेतच पण एका मराठी गाण्याला मिळालेला इतका प्रतिसाद पण नक्कीच कौतुकाचा भाग आहे. पुन्हा एकदा होऊन जाऊन दे जाळ आणि धूर करत झिंगाट.