काल अमेरिकेने इसिस च्या तळांवर टाकलेल्या बॉम्ब ने सगळ्यांची झोप उडवली आहे. कारण हि तसेच आहे. जो बॉम्ब अमेरिकेने टाकला त्याला मदर ऑफ ऑल बॉम्ब अस संबोधल जाते. न्युक्लीयर बॉम्ब पेक्षा थोडी कमी पण इतर कोणत्याही बॉम्ब च्या तुलनेत ह्याची संहारक क्षमता जास्ती आहे. ह्या हल्यात किती हानी झाली ह्याचा कोणताच अंदाज अजून आलेला नाही. पण ह्या बॉम्ब मध्ये अस काय आहे? कि ज्यामुळे ह्याला एम.ओ.ए.बी किंवा मदर ऑफ ऑल बॉम्ब अस संबोधल जाते ते बघण रंजक आहे.
एम.ओ.ए.बी. किंवा जी.बी.यु ४३ अस नाव असणारा हा बॉम्ब तब्बल २१,६०० पौंड वजनी आहे. आता तुलना करायची झालीच तर ६ टोयोटा इनोव्हा ह्याचं एकत्रित वजन हे त्या एका बॉम्ब च असेल. ३० फुट लांब असलेल्या ह्या बॉम्ब मध्ये तब्बल ११ टन एकस्प्लोसीव मटेरियल असते. काल इसिस च्या गुप्त गुहांवर टाकल्या क्षणी काही मिलीसेकंदात १०० फुटावरील ऑक्सिजन त्याने शोषून घेतला असेल. त्या परिसरातील प्रत्येकाचा जीव त्याच वेळी घेत. त्या नंतर दुसऱ्या क्षणी ह्या स्फोटामुळे निर्माण झालेल्या शॉकव्हेव मुळे २ मैल परिसरातील सगळ्यांचे कान बधीर झाले असतील. जे कोणी गुहेमध्ये लपले असतील ते १९,००० पौंड वजनाच्या एकस्प्लोसीव खाली गाडले गेले असतील. जे कोणी ह्यातून वाचले असतील त्यांनी ह्या बॉम्ब च्या फुटण्याने जे मशरूम क्लावूड बघितल असेल ते क्षण त्यांच्या आयुष्यात ते कधीच विसरू शकणार नाहीत.
अमेरिकेने अफगाणिस्तान च्या नांग्रहार रिजन मध्ये काल हा बॉम्ब टाकला. जमिनीखाली असलेल इसिस च्या अतिरेक्यांच जाळ उध्वत्स करणे हाच ह्या मागील उद्देश होता. जमिनी पासून अवघ्या ६ फुटांवर ह्या बॉम्ब च्या फुटण्याने तयार झालेलं विवर हे ३०० फुट मोठ आहे. एम.ओ.ए.बी. हा बॉम्ब थर्मोब्यारिक प्रकारातील आहे. ह्यातील थर्मो म्हणजे हिट आणि ब्यारिक म्हणजे प्रेशर. ह्या दोघांचा उद्रेक अश्या प्रकारच्या बॉम्ब मधून होतो. ह्या बॉम्ब मध्ये टू स्टेज डिटोनेशन केल जाते. आधी अल्युमिनियम ची डस्ट फुटते. त्या नंतर ब्यारिक ब्लास्ट होतो जो लिटरली आजूबाजूचा गुहेतील सगळा ऑक्सिजन सक करून घेतो. ह्या दोन प्रक्रियांमुळे निर्माण झालेली शॉक व्हेव पुढील काम फत्ते करते.
ह्या बॉम्ब च एक्स्प्लोजन हे हिरोशिमा वर टाकलेल्या अणुबॉम्ब च्या १/१० दशांश आहे. इतका अवजड बॉम्ब योग्य ठिकाणी टाकायला सुद्धा तश्या प्रकारचे विमान लागते. काल हा बॉम्ब टाकण्यासाठी एम सी १३० ह्या विमानाचा वापर केला गेला. २००३ निर्माण करण्यात आलेल्या हा बॉम्ब प्रत्यक्ष युद्धात काल पहिल्यांदा वापरण्यात आला. अमेरिका कितीही पुढे गेली तरी तिला टक्कर देण्याच काम निदान सैन्य शक्तीत रशिया करत आहे. म्हणूनच ह्या मदर ला फादर ची निर्मिती २००७ मध्ये रशियाने केली आहे. फादर ऑफ ऑल बॉम्ब ह्या मदर बॉम्ब पेक्षा तब्बल ४ पट ताकदवर आहे.
शेवटी मदर असो वा फादर बॉम्ब हे नेहमीच विध्वंस करतात ह्याची कोणाच्या मनात शंका नसेल. शत्रूला नमोहरण करण्यासाठी नक्कीच असे बॉम्ब हवेच. पण त्याच वेळी हे टाकताना निरपराध जीव जे ह्या महाविनाशकारी बॉम्ब च्या कक्षेत येतात त्यांचा हि विचार व्हायला हवा. हिरोशिमा मधील बॉम्ब ने अमेरिकेने शत्रूला म्हणजे जापान ला नक्कीच नामोहरम केल पण ज्या निरपराध लोकांचा ह्यात जीव गेला किंवा जे लोक वाचले आणि त्यांच्या कित्येक पुढच्या पिढ्या हा बॉम्ब चे चटके आजही सोसत आहेत तिकडे अमेरिका जिंकून पण हरली. माणुसकीच्या दृष्टीकोनातून अमेरिका काल पण हरलीच आहे. कदाचित ह्या बॉम्ब ने इसिस चा कणा मोडेल पण ह्याच्या विध्वंसाने घायाळ झालेल्या निरपराधी जनतेला अमेरिका काय उत्तर देणार आहे?
No comments:
Post a Comment